الانتخابات بنكهة #طلق السخون#

من الصعب أن ننتزع منكم المكتسبات،
ولكن، من الأصعب أن تنتزعوا منا الأصوات.
نفتارضو اسيدي ان اياديهم نظيفة ومكايسرقوش ومكايغشوش والله يعمرها دار.
شنو تقول فهادي:
جبتي عساس يحضي ليك دارك وخلصتيه مزيان. هو مكايسرقش ولكن خلا الشفارة يدخلو ويسرقو كيف بغاو وهو كايشوف. فاش بغيتي تبدلو قالو ليك هو مسكين يدو نقية مكايسرقش خليه. الحماق هذا
هل يستقيم هذا المنطق؟؟
قس هذا المثال على قضية المحروقات، ماذا فعل العثماني بصلاحياته الواسعة. كان بإمكانه بجرة قلم تحريك المسطرة. مالو خايف ولا فراسو العجينة. فكلتا الحالتين معندنا مانديرو بيه. كون كانو فالمعارضة كون حايحو على 17 مليار والوقفات والاحتجاجات وكون الداودي هرس الكراسي ديال البرلمان….
والمصيبة هو هداك لي كايقول ويلا مشاو شكون غادي يجي بلاصتهم. لمن يخليوها. نتا سوقك.دار باك هادي. المغاربة غادين يختارو ويتحملو المسؤولية.المغرب كان بلابيهم وغادي يبقا.
أما الاصلاح فحريرتو حريرة َحتى حزب مقاد عليه.
باقي تنعقل على واحد مسيلمة منهم قال: الى نجحو لخرين غادي يسدو ليكم الجوامع ويمنعو الحجاب ويحلو البيران…. أليس هذا ابشع استغلال للدين. زعما لخرين كفار وحنا مسلمين.
واختم بقول عمر بن الخطاب رضي الله عنه: من خدعنا في الله انخدعنا له.